“စိတ်သွားရာ ကဗျာ”

ခက်ထန် ကြမ်းတမ်း မှတ်ဥာဏ် အစွမ်း
သောက ပွေလီရှုပ် လောက အညှီထုပ်
နှလုံးသား နဲ့ပျိုး အဆုံးမထားတဲ့ အပြုံး
သွေးကြော နဲ့လောင်း တွေးမရတဲ့ အကြောင်း
စိတ်တွေ ကမှိုင်း ကလောင် သွားရာကြမ်း .....

စိတ်က တည်ငြိမ် လှိုင်းမထ တဲ့ရေပြင်
ပြုစုပျိုးပင် အညွန့်ဖူး သစ်လွင်
အနုအလှ ပျိုမြစ် သုခုမ ပုံရိပ်
စိတ်နုရာ အတွေးစု ကဗျာ ......

စိတ်သွား ရာလိုက် အတိတ်မှား လူမိုက်
ကြမ်းတမ်း မျက်နှာပြင် လှိုင်းတံပိုး တွေဆင်
အရာရာ ဖြိုဖျက် လူတွေ အမြင်မှာ ငါအမှိုက်
စိတ်သွားရာ ကဗျာ အချစ်များစွာ ရင်မှာ
သံသယ ဆန်ဆန် ဗျာပါဒ ထန်
မာယာတွေ အကြောင်း ကြာလာလေ အသိပြောင်း
မီးလျှံ တထောင်းထောင်း အဆိပ်ငွေ့ တမြေ့မြေ့
အာရုံကြမ်းတမ်း သံယောစဉ် အစွမ်း
အလှမြင်ကာ မှောင်ခိုက် ကိုယ့်တရား ကိုယ်ဖျက် ...... ။



written by KKS

0 မှတ်ချက်ပေးသွားတယ်: